वारसा

आपण आपल्या मुलांवर प्रेम करतो - म्हणजे नक्की काय करतो ?
त्यांच्या जडणघडणीतल्या प्रत्येक टप्प्यावर आपलही योगदान असायला हवं असतं - म्हणजे नक्की कुठल्या प्रकारचं योगदान?
आपण आपल्या मुलांकरिता वेळ काढतो - म्हणजे नक्की किती आणि कुठला?
एक पालक म्हणून मला हे सारं प्रामाणिकपणे वाटतं खरं .... पण मग पुढच्या प्रश्नाचं काय?
आज आपल्या मुलांना आपण काय देतोय ?
पावसात चिम्ब भिजण्याचा आनंद लुटू देतोय ?
सळसळणार्या पिकांच्या शेतात हुन्दडू देतोय ?
पक्षांच्या चिवचिवाटाबरोबर गाऊ देतोय ?
मातीच्या ओलाव्यात रमू - भिजू देतोय ?
अवतीभोवतीच्या निसर्गाचं गाणं ऐकू देतोय ?
तार्यांचे टिमटिमणे मुग्ध होवून बघू देतोय ?

सापडतील ... सगळी उत्तरं सापडतील। पण त्याआधी काही हरवलंय याची जाणीव व्हायला नको?